Færsluflokkur: Bloggar

Hann segir þetta nokkuð vel


Niðurskurðurinn felst í...

... nýjum og endurbættum aðferðum.

Kirkjunnar menn fengu til sín sjálfboðaliða sem hefur af góðfúslegu örlæti sínu, boðist til þess að beita leikskóla- og skólabörn landsins þeim aðferðum sem einmitt björguðu honum í æsku.

Hér er myndband af honum á yngri árunum, þar sem hann gefur sýnishorn af þessum aðferðum, sem hann lofar svo í hástert.

Þess má geta, að þessi maður hefur einmitt boðið sig fram til Stjórnlagaþings, og bíður spenntur eftir að fá að komast inn í skólastofur landsins, til að afhomma börnin.


mbl.is Skorið niður í rekstri kirkjunnar um 10%
Tilkynna um óviðeigandi tengingu við frétt

Jahá..

Nú geta kaþólikkar andað rólega.

Þrjátíu og þrír námuverkamenn sitja fastir í gull og silfurnámu, eftir að námugöngin féllu saman fyrir tuttugu og fjórum dögum síðan. Með einhverri heppni verða þessir menn komnir út í sólarljósið og í faðm fjölskyldu sinnar í tíma til þess að halda upp á jólin. 

Á meðan yfirvöld, og björgunarstarfsmenn vinna hörðum höndum við að grafa mennina út, og sumar fjölskyldur hafa slegið upp tjaldbúðum í nágrenninu, situr páfinn í höll sinni og þykist biðja fyrir velferð þessara manna og fjölskyldu þeirra. Ef honum væri svona annt um velferð þeirra, þá leyfi ég mér að fullyrða að hann myndi e.t.v. senda eitthvað annað en hlýjar hugsanir og bænir.

Hann fullyrðir, að á meðan hann biður fyrir þeim, megi þeir hafa hugarró. 

Undarlegt þykir mér að bænir einhvers karls með hatt, skuli vera þungamiðja þessarar fréttar..

En úr því að hann hefur skorist í leikinn, þá þarf alls ekkert að vera að senda birgðir, hjálparstarfsmenn eða fjármuni til þess að gera þessum mönnum lífið bærilegra á meðan á öllu þessu stendur. Þeir hafa bænir páfans. Hvað meira þurfa þeir?


mbl.is Borun björgunarganga að hefjast
Tilkynna um óviðeigandi tengingu við frétt

Afhverju ekki bara...

...stíga skrefinu lengra og selja drottninguna sjálfa?

Þessi fjölskylda verður aldrei neitt annað en afæta á breskum skattgreiðendum. Þjóna sáralitlum tilgangi, fyrir utan að láta sjá sig endrum og eins og fjölga sér með hvoru öðru.


mbl.is Seljum svani drottningarinnar
Tilkynna um óviðeigandi tengingu við frétt

Athyglisvert!

Samkvæmt þessari frétt, eins og hún er skrifuð, má glögglega sjá að þeir sem eru eldri greinast seinna á ævinni en þeir sem eru ungir. Og þeir sem eru ungir lifa alltént lengur en þeir sem eru gamlir!

Það er hreinast sagt mikil viska í vísindum þessa dagana.


mbl.is Greinast síðar með HIV og deyja fyrr
Tilkynna um óviðeigandi tengingu við frétt

Hefðu þetta verið Íslendingar...

.. yrðu þeir án efa verið harðlega gagnrýndir af löndum sínum fyrir að skjóta björninn, í stað þess að sækja búr til að setja hann í; og flytja hann burt eða í húsdýragarðinn.
mbl.is Ísbjörn réðist á ferðamenn á Svalbarða
Tilkynna um óviðeigandi tengingu við frétt

Ha?

Spyr sú sem ekki veit; En þarf drottningin að taka ákvörðun um að afturkalla boð fyrir einn mann, í samráði við lögreglu?
mbl.is Englandsdrottning afturkallar heimboð
Tilkynna um óviðeigandi tengingu við frétt

Held hún hafi misskilið eitthvað...

... nema að hún sé af íslenskum ættum, og hafi fengið fréttir héðan úr Norður-Atlantshafi af öllum vinalegu ísbjörnunum sem hafa rekið hér á land, sem allir vilja ólmir knúsast í.


mbl.is Björn beit fingur af konu
Tilkynna um óviðeigandi tengingu við frétt

Það var nú ágætt hjá þeim

Það verður að segjast að mér hreinlega blöskri við þeirri meðferð sem þessi kona fékk..

Sjálf barðist ég í mörg ár við kerfið vegna veikinda sem ég hef glímt við, sem ég ætla ekki að stíla niður hér. En svörin sem ég fékk frá kerfinu trekk í trekk, voru að ég væri einfaldlega of ung til þess að vera öryrki.

Ég get ekki talið upp alla þá lækna sem ég fór til, sem voru með of stóra samvisku til þess að senda "eins unga manneskju" eins og mig til öryrkjamats. Þeir hreinlega bara gætu ekki lifað með sjálfum sér eftir það. Hinsvegar fannst þeim allt í lagi, og samviskan plagaði þá ekki neitt við því, að ég sæti einfaldlega bara heima hjá mér og boraði í nefið og kvaldist í stað þess að fá einhversskonar meðferðarúrræði til þess að gera tilveruna mína bærilegri. 

Ár eftir ár eftir ár, var skorið niður hjá öryrkjum, þeim settur fóturinn fyrir dyrnar hvað varðar allsskyns mannleg réttindi, að mér finnst.

Bæturnar skerðast undir hinum og þessum kringumstæðum, þ.á.m. tekjur maka, eða barna yfir 18 á heimilinu. Ég veit ekki til þess að nokkur manneskja myndi sætta sig við það að fara út á vinnumarkaðinn t.d. og vinna fulla vinnu, en komast svo að því að launin þeirra hafa lækkað um marga þúsundkalla, bara vegna þess að makinn þeirra væri með tekjur.

En þetta vilja margir réttlæta, vegna þess að öryrkjar hafa það svo auðvelt. Þeir þurfa ekki að vinna eða lyfta fingri til þess að lifa af, að þetta sér hreinlega bara allt saman gert fyrir þá. En slík hugsun er bara röng, í alla staði. Og hver sá sem kærir sig um að vita þá staðreynd, getur auðveldlega séð það. En það er auðvitað svakalega auðvelt að snúa sér í hina áttina og halda svo sé ekki. Þess má því geta, að barátta mín við kerfið var á endanum til einskis. Því með þann sjúkdóm sem ég þarf að berjast við á hverjum degi, þá lítur enginn læknir á mig fyrr en ég er komin yfir fimmtugt og sé nær dauða en lífi.

Þess vegna vona ég svo sannarlega ekki að íslensk yfirvöld taki sér kanadísk yfirvöld til fyrirmyndar.  Það virðist nefnilega vera algengt sjónarmið að öryrkjar jafnt sem aldraðir eigi helst bara að sitja á höndum sér heima við, og láta helst ekkert sjá sig á almannafæri. Annars væru þeir bara fyrir og öllum til ama.

Þeir mega helst ekkert gera sér dagamun af neinu tagi, svo sem að fara út með vinum sínum (já, það er satt, öryrkjar og aldraðir eiga vini líka!), eða skella sér á baðströndina, þótt það sé af læknisráði.  Já, Guð forði þeim frá því, að þeir skyldu nú reyna að eiga sér eðlilegt líf þrátt fyrir vandræði sín og veikindi. Það er hreinlega bara guðlast, dauðasynd.

Ég vona því svo sannarlega, að þessi kona fái þessari niðurstöðu hnekkt, a.m.k. þar til henni er fært að fara út á vinnumarkaðinn aftur.


mbl.is Missti bætur vegna mynda
Tilkynna um óviðeigandi tengingu við frétt

"LEAVE DABBI ALONE!"

 

Eftir að hafa lesið sum bloggin, og svörin við þeim var þetta í raun það eina sem kom til hugar.

Mér er ekki vel við Davíð Oddsson, hefur aldrei verið. Aldrei verið stuðningsmaður hans hvorki á sviði pólitíkar, né við stöðu hans sem seðlabankastjóra.

 

En ég er samt ekki stuðningsmaður þeirra sem ganga á milli húsa þess fólks sem hefur verið hvað mest í fjölmiðlum í sambandi við bankahrunið, vegna orsaka og afleiðinga, og gangi hamförum um eigur þeirra.

Því í mínum huga, eru þeir sem hafa unnið skemmdir á húsum, bílum eða öðrum eigum þessarra manna, ekkert nema glæpamenn. Sama hversu slæmt ástandið er í dag, og að fórnarlömb, þessara skipulagðra eignaskemmda, höfðu með það að gera, þá er ekkert sem réttlætir þessar aðgerðir. 

Alls ekki neitt.


mbl.is Egg og níð á hús Davíðs
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband